 |
| Baju adat Pakpak |
PAKPAK ADALAH PAKPAK
Keke kundul kemelaput aku turang
Kudateken karina jelma simentas
Tenggel copingku mengge karina berita
Karina dengan-dengan kukuso
Marsak tereluh aku kipema
Kipema ko turang kekelengen
Bage sibiasa sidekahnen
Pangan merasa enggo bage sincapet
Tenggoli sitenggi bage simpagit
Letja dagingku oda kumara mengula
Kumara mikirken kinimela
Mela mingidah dengan-denganku
Mela oda kumara pikilakongku
Nterang pe ari kuidah gondem
Makne merbiding makne merpunca
Pemaingmu turang mak tertangisken
Aku daberu sinitadingken men
Merdeggar pendurungenku
Mbukbak janah merurusen eluhku
Menggirgir dagingku, ramben penengenku
Sinderang tersor tertengen aku
Kono mergandeng tangan uluk mesrana
Deket denganku biasa sindalenen
Denganku sakarejo arnia rebbak sikola
Kasakin i ruapken ko kata kellengmu
Kasa kin aku i poji-pojiko soh milangit
Kinimberungku nimu maklot duana
Penglakongku nimu toko berjuna
Percermku nimu mak terlupaken
Kasakin turang isalam ko tanganken
Pesakatken janji ngkellengmu bangku
Kenah aku nimu purmaen Namberu
Simengukat nakanmu soh seggen
Melala ukurku muna kuenget karina
Karna ngkellengku karina kuberre
Tah kerna motona aku perkuta-kutaen
Ukur deket dagingku kupesakat bamu
Mak aku menesal ningku kukosikken bamu
Kerna janjimu kenah ko kela inang
Tah piga dekah nahan aku marsak
Tah piga dekah nahan aku tangis
Tanda ngkellengku bamu impal
Rohpe aku i pestami
Pesta perkejejapen ndenei
I undang manang oda i undangko
Ku orom pe tangis deket eluhku
Kuelek-elek pe tendi deket ukurku
Kenah kono kusalam mende
Bagima denganku sinipilihmi
Tangis tereluh aku mengendeken
Meranak merberu moko turang
Beak janah terberita mi suberi ladang
Sitirun mo rumah tanggamu
Unangmo nemmu seggen terulang
Pinepparmu meniru pikilakomi
Unang seggen lot berumu bage akuen
Karna mpiah kuakap pemakin men
Bonekpe ukurku kutahenken moi
Kadepe rana ndeba kugongken moi
Unang mo nemmu mersumpah tendingku
Asa Unang mengenna segen bamu
Sumpah sada daberru
Daberu simengkekelengi ko
Daberu sinitadingkenmen
-------- 00000 ------
Tidak ada komentar:
Posting Komentar
Komentar anda :