Umpama Pakpak : MERBERRU KEPAR

PAKPAK ADALAH PAKPAK

UMPAMA MERBERRU KEPAR

Oleh : Wasdin Sudiarma Berutu, SH

Mberu berru permedan, jari-jarina cindal

Badakna sijengkal,  bukna  mebar-ebar

Dapet berru sideban, oda jodoh mi impal

Nianggap mo ia impal, kasape berru kepar

Muna merani,  perani soh mi urug duruna

Mata unang merem, ukur unang  terhendem

Oda memoji, purmaenmu uluk mberuna

Muna tercerem, tikkani aku mak terpeddem

Embasken tangan, lako tumatak

Silangkah,  bege mersege mi kamuhun

Kurasaken,  oda pe merberru Pakpak

 Purmaenmu ngkasah, dos  bage  berru puhun

Menoto rambah, mahan juma page

Sambil tumaktak,  suanken  rondat

Purmenmu  ramah, luahna merbage-bage

Tampil tumatak,  janah berru peradat

Muna merlaba, abe oda cerngut

Merbage rananken, lolo partuana

Purmaenmu nggati tertaba, oda perngutngut

Pande pesangapken,  ukur simatuana

Tergempang irebben  kenna sekkar

Tangis mersurak  soh mi delleng

Memang  purmaenmu berru kepar

Tapi enggo pande  mertasak pelleng

Muna kirana,  rana mersepuh
Sora hanjar, bage jelma pande
Kita karina,  ndekkah nggelluh :
Bere kami ajar deket peddah mende :

Mersora imbo, i tiki rumabi
I pakpaki kayu,  mahan sebban
Bagimo lebbe, umpama nami
Kami Pakpak,  merberu sideban 

==== 0 =====