Blog Pakpak

Jumat, 14 September 2012

Umpama Pakpak : UMPAMA KULA-KULA MERBERU


oleh : Wasdin Sudiarma Berutu, SH
PAKPAK ADALAH PAKPAK 

Manuk Jagur takuak nggangg sorana
Sorana terbege soh mi biding duru
Kami anak Singgabur ki baing umpama
Umpa nami adat kula-kula merberu

cingkerru unang i poles
Mengula mo dak ganan
Muna beru merutang oles
Kula-kula merutang pangaan

Ndarngap cilendung i bena sampula
Sinderang mardang i nggara ari
Pande mo beru kipesangap kula-kula
Nahan ibere pasu-pasu asa kenan cinari

Page i rakut i tutupi nderu
Jelma mpersah mangan oda lot rorohna
Pande mo kita muat ukur ni beru
Asa beru ngkasah lako mere gegohna

Genep mengula lotngo jambarna
Mende i pengranaen burju mengula
Menet-menet ni kula-kula lotngo tambarna
Embah Nakan Adat bereken mi kula-kula

Genep bidingduru lae ordi lot kamparna
Mulai kan uruk soh mi lebuh kepar
Menet-menet ni beru oda lot tambarna
Menuruk-nuruk tarap teruh apar-apar

Enggo ndekah rebak kta karina
Karina kita sendalnen unang petelpak
Bagimo pedah mpungta Pakpak arnia
Bagima si merdalan i adat Pakpak

==== 00000 =====

1 komentar:

Komentar anda :