Oleh : Wasdin S Berutu, SH
Anak Perana :
 |
| Bersama Nyonya gw |
Embang Kendang deket sabi-sabi page
Sintabi turang, kusalam kene lebbe
Margangku Padang, kene beru kade ?
Simerbaju :
Ciboni mi lubang, tongngo teridah
Lodin cender, asa senang dekket ukur
Maholi ke turang, burju kene sendah !!!
Beru Tumangger Turang, perkuta Mungkur
Anak Perana :
Langkah kambirang, muna ukur oda kimpal
Ukur bage tenggiang, mata bage si jengnger
Muna bagi turang, tuturta keppe merimpal
Enggo bage tangiang, Inang beru Tumangger
Simerbaju :
Muna ukur ceda, begge mo ranangku
Njolmit dak pedogos, ndaoh i sura-sura
Mak kene mela, merimpal kene bangku ?
Aku berru simpogos, janah perkuta-kuta
Anak Perana :
Ende anak perana, terbegge soh mi delleng
Mak terpedem, sorana bage deru-deru
Pande ke mengrana, tubuh ukur kelleng
Muna ke tercerm, rupa ndene tambah mberru
Simerbaju :
Deru-deru, muna jelma mersindanggel
Oda terapoi, pupuk tungkuk terhendem
Mberru nimu aku, enggo cender urat penggel
Ke anak maholi, nahan terbayang diri mak terpedem
Anak Perana :
Begge mo ranangku, kupesenget ke perjolo
Muna rana paketsu, ngget mbari soh siceggen
Kelleng ke atengku, ngget kene menjalo
Aku jadi halletmu, bagendari janah soh seggen ?
Simerbaju :
Oda keppe ragi bumbu mahan pelleng
Pellengna mertektek, tambah cina mbara
Oda nitaki, enggo tubuh bamu ukur kelleng
Janji sijemak kellek, unang perpusuh nggara
======== 00000 =========
Tidak ada komentar:
Posting Komentar
Komentar anda :